Ötən gün şəhid Fərid Əhmədovun doğum günü ilə əlaqədar, Fərid Əhmədovun ailə üzvləri, yaxınları, “Milli Qəhərmanlar Beynəlxalq İnformasiya Mərkəzi” və “Milli Qəhrəman” qəzetinin rəhbərliyi və kollektivi 2-ci şəhidlər xiyabanına gedərək şəhid Fərid Əhmədovun məzarın ziyarət ediblər.

Xatırladaq ki, Fərid Güloğlan oğlu Əhmədov 1986-cı il fevralın 13-də Cəlilabad şəhərində anadan olub. 2003-cü ildə Nizami adına 1 saylı orta məktəbi bitirib. Həmin il Heydər Əliyev adına Ali Hərbi Məktəbə daxil olub. 2007-ci il oranı leytenant rütbəsi ilə bitirib. 2007- 2008- ci illərdə Türkiyə Cümhuriyyətində Təlim- Tədris Mərkəzində təkmilləşdirmə kursu keçib.
2010-cu il sentyabrın 3-dən 4- nə keçən gecə Tərtərin Çiləbürt kəndi yaxınlığındakı döyüşdə şəhid olub. Birbaşa döyüş xəttində həlak olduğu üçün Fərid Əhmədovun cənazəsi düşmən tərəfdə qalıb və yalnız cənab prezidentimiz İlham Əliyevin səyi ilə 2010-cü il noyabrın 6-da Ermənistan və Azərbaycan tərəflərinin razılaşmaları nəticəsində Fəridin cənazəsi vətənimizə qaytarılıb. Noyabrın 7-də Bakida II Şəhidlər xiyabanında dəfn olunmuşdur.Subay idi.
Azərbaycan Respublikası Prezidentnin 07 noyabr-2010-cu il tarixli sərəncamı ilə baş leytenant Əhmədov Fərid Güloğlan oğlu ölümündən sonra “ İgidliyə görə” medalı ilə təltif edilmişdir.

Seyidağa
“Milli Qəhrəman” qəzeti