16 aprel 1967-ci ildə Şuşa rayonunun Quşçular kəndində ziyalı ailədə anadan olmuşdur. 1984-cü ildə doğma kəndlərində orta məktəbi bitirərək, 1985-ci ildə ordu sıralarına çağırılmışdır. Əsgəri xidmətini Omsk şəhərində başa vurduqdan sonra vətənə qayıdır. 1987-ci ildə Rusiyanın Arxangelsk vilayətinə gedir. 1990-cı ildə yenidən vətənə qayıdır və Şuşa rayon DİŞ-nin Xüsusi Təyinatlı Polis Dəstəsi yarananda onlardan biri də R. Teymurov olur.

3 fevral 1949-cu ildə Tərtər rayonunda anadan olmuşdur. İlk təhsilini 1956-cı ildə Bakının Bülbülə qəsəbəsində 208 saylı orta məktəbdə almış, 12 saylı internat məktəbində isə təhsilini başa vurmuşdu. 1969-cu ildə Bakı Energetika Texnikumunu bitirmişdir. Hərbi xidmətini Novosibirskdə keçmiş, burada zabitlik kursunu bitirmişdir. Raket - artilleriya qoşun hissələrində xidmət etmişdir. Ordudan tərxis olunaraq, Bakı Mayesiz Transformatorlar Zavodunda işləmişdir. 1992-ci ildə yenicə yaradılmış "Qurtuluş" batalyonunun tərkibinə qatılır.

1963-cü il 6 sentyabrda Bakı şəhərində ziyalı ailədə anadan olmuşdur. 1970-80-cı illərdə Nəsimi rayonunda, 164 saylı orta məktəbdə təhsil almışdır. Məktəbi bitirdikdən sonra Bakı Dövlət Universitetinə daxil olmuş, 1985-ci ildə biologiya fakültəsini fərqlənmə ilə bitrmişdir. Elmlər Akademiyasının Botanika İnstitutunda çalışarkən, Səbail rayon DİŞ-nin cinayət axtarış şöbəsi ilə əməkdaşlıq edirdi. 1988-ci ildə DİŞ-ə işə qəbul edilir, 1989-cu ildə Sverdlovsk şəhərində cinayət axtarışı üzrə ali ixtisasartırma kursu keçdi. DİN-nin millətlərarası münasibətlər şöbəsində daha məhsul vəzifəyə irəli çəkilir və ona 1991-ci ildə kapitan rütbəsi verilir.

29 sentyabr 1956-cı ildə Bakı şəhərində anadan olmuşdur. 1974-cü ildə 194 saylı orta məktəbi bitirmiş, Sasovski adına Mülki Təyyarəçilik məktəbinə daxil olmuşdur. 1977-ci ildə təhsilini başa vuraraq, Yevlax aviadəstəsində fəaliyyətə başlamışdır. An-2 təyyarəsinin komandiri, eskadriliya komandirinin müavini, eskadriliya komandiri, uçuşun təşkili və təminetmə müfəttişliyinin təyyarəçi-müfəttişi vəzifələrində çalışsa da, 1988-ci ildə Bakı Dövlət Universitetinin hüquq fakültəsinin qiyabi şöbəsinə daxil olmuşdur.

3 iyul 1976-cı ildə Dəvəçi rayonunun Ağbaş kəndində anadan olmuşdur. Səkkizillik təhsilini doğma kəndlərində almış, 1994-cü ildə Milli Ordu sıralarına həqiqi hərbi xidmətə çağırılmışdır. O, Yaşma qəsəbəsində yerləşən hərbi hissələrin birində xidmət etmişdir. Hərbi xidmətini şərəflə yerinə yetirirdi. Nümunəvi əsgər olduğunu nəzərə alaraq ona qısamüddətli məzuniyyət vermişdilər. Həmin vaxt respublikada vəziyyət yenidən gərginləşmişdir. Bir qrup cinayətkar ünsürlərdən ibarət silahlı dəstə hakimyyəti ələ keçirmək üçün dövlət çevrilişi etmək istəyirdi.