Sadıqov Elçin Hüseyin oğlu 1967-ci ildə Laçın rayonunda doğulmuşdur. Orta məktəbi Laçında bitirmişdir. Sonra hərbi xidmətə yollanmışdır. Hərbi xidmətdə olarkən valideynlərinə komandiri tərəfindən dəfələrlə təşəkkür məktubları gəlmişdi. BDU-nun tarix fakültəsini bitirmişdir. Elçin əvvəl maarif sahəsində çalışmış sonra isə Laçın rayonunun İcra başçısının köməkçisi işləmişdir. Könüllü olaraq ərazi müdafiə batalyonuna yazılıb. Səsi ən gərgin döyüş nöqtələrindən gəlirdi. Elçin vətənin, elin azadlığı üçün oddan-alovdan keçmişdi. Döyüş dostları Elçinin qəhrəmanlığından yorulmadan danışırdılar. Bir neçə günlüyə icazə alıb evə gəlmişdi. 28 oktyabr 1995-ci il tarixində metroda baş verən qəzada həlak oldu.